HOXE, DÍA DA PAZ

DESPOIS DE TRABALLAR ARREO SOBRE AS CUALIDADES, A IMPORTANCIA DE SER POSITIVAS E POSITIVOS,... DE TRABALLAR AO REDOR DA PAZ, TIVEMOS UNHA CELEBRACIÓN NO PATIO CON TODO O CENTRO:
- PRESENTAMOS O EVENTO
- INTERPRETAMOS UNHA SECUENCIA RITMADA: CHUCURUCHU QUE FOI SEGUIDA POLO RESTO DO ALUMNADO DO CENTRO
- TOCAMOS E CANTAMOS UNHA VERSIÓN DO "HIMNO DA ALEGRÍA"
- BAILAMOS

INVESTIGAMOS CUALIDADES PARA FACER MENSAXES

LEVAMOS VARIOS DÍAS TRABALLANDO CON ADXECTIVOS, BUSCANDO CUALIDADES POSITIVAS...
QUEREMOS MANDARNOS MENSAXES, MENSAXES AGRADABLES, MENSAXES QUE SUBAN A AUTOESTIMA E QUE CONTRIBÚAN Á PAZ.
EN INGLÉS TAMÉN INVESTIGAMOS, TEMOS A CLASE TODA CHEA DE CUALIDADES E XA ESTAMOS ELABORANDO MENSAXES E COLOCANDO NUN MURAL ALGUNHAS DAS CUALIDADES ESCOLMADAS

UNHA EXPERIENCIA PICASSIANA CON INFANTIL

ESTA SEMANA COLABORAMOS CO ALUMNADO DE INFANTIL DE CINCO ANOS NA RECREACIÓN DUN CADRO DE PICASSO.
TIÑAMOS A IMAXE DE DÚAS MULLERES CORRENDO E AS NENAS E OS NENOS DE INFANTIL DE CINCO ANOS TIÑAN QUE PENSAR CAL ERA O FONDO DESE CADRO...
FOI XENIAL!
TIÑAN UNHAS IDEAS ESTUPENDAS.
AXUDAMOS A QUE ELABORASEN OS FONDOS... QUEDARON GUAIS!!!!!
IMOS POÑER TODOS OS CADROS RESULTANTES NUNHA EXPOSICIÓN.
MENTRES TANTO MIRADE:

AGORA SÓ NOS QUEDA VER COMO ERA O ORIXINAL DE PICASSO... QUE CURIOSIDADE!

A TODA MÁQUINA!

No recuncho de Mavera andamos con moita tarefa.
Neste trimestre as máquinas invádennos!
Temos máquinas inventadas; máquinas reais,...
Ata temos máquinas amables!!! Si, é unha máquina da paz, unha máquina que funciona con cualidades positivas das persoas... e claro teremos que botarlle o combustible.
Con tanta máquina non nos vai quedar máis remedio que ter expertas e expertos en máquinas: enxeñeiras e enxeñeiros, inventoras e inventores, persoal do servizo técnico,... Como vén o entroido igual se nos ocorre algo para contratar a tanta xente!